Nga Prof. dr. Skender ASANI

Në periudhën e trazuar të viteve të nëntëdhjeta, kur arkitektura e rendit ndërkombëtar po përjetonte një riformatim të thellë pas përfundimit të Luftës së Ftohtë, shqiptarët në Shqipëri, Kosovë dhe Maqedoni të Veriut bënë një përcaktim historik: orientimin strategjik drejt Perëndimit. Ky përcaktim nuk ishte thjesht një zgjedhje gjeopolitike, por një aspiratë kombëtare e mbështetur në përvojën historike të izolimit, represionit dhe mohimit të të drejtave themelore që shqiptarët kishin përjetuar në kontekste të ndryshme shtetërore gjatë shekullit XX.

Gjatë tre dekadave që pasuan, elitat politike shqiptare me të gjitha dallimet dhe sfidat e tyre të brendshme kanë ndjekur me këmbëngulje rrugën e integrimit euroatlantik. Shqipëria u bë anëtare e NATO-s dhe avancoi në proceset e integrimit në Bashkimin Evropian; Kosova shpalli pavarësinë dhe nisi ndërtimin e institucioneve demokratike në koordinim me partnerët perëndimorë; ndërsa shqiptarët në Maqedoni të Veriut, pas krizave të brendshme dhe Marrëveshjes së Ohrit, u angazhuan në konsolidimin e shtetit multietnik me vizion euroatlantik.

Mirëpo, ky rrugëtim nuk ka qenë i pandikuar nga aktorët dhe interesat që e shohin orientimin perëndimor të shqiptarëve si kërcënim për projektet e tyre hegjemoniste. Në mënyrë të vazhdueshme, janë artikuluar dhe zbatuar projekte destabilizuese që synojnë të minojnë këtë orientim strategjik. Këto projekte vijnë nga qarqe që besojnë se një Ballkan i integruar në strukturat euroatlantike bie ndesh me interesat e tyre rajonale dhe globale, veçanërisht me strategjitë neo-imperiale të disa fuqive lindore.

Në fazën aktuale të përmbushjes së kritereve për integrimin në BE nga Shqipëria dhe Maqedonia e Veriut, është krijuar një dritare historike që do të mundësonte edhe një perspektivë më të qartë për Kosovën në këtë proces. Kjo mundësi e bashkërenduar integruese për të gjitha tre shtetet, është interpretuar nga kundërshtarët si një kërcënim direkt ndaj influencës së tyre. Prandaj, ndërhyrja për të penguar këtë proces ka marrë forma të sofistikuara dhe të shumëfishta.

Një nga instrumentet më të qarta të këtij sabotimi është ndarja e trajektores integruese të Maqedonisë së Veriut nga Shqipëria, duke e izoluar Shkupin nga Tirana në proceset eurointegruese. Ky izolim është i shoqëruar me përpjekje të brendshme për ta devijuar Maqedoninë nga rruga euroatlantike, duke instrumentalizuar forca politike siç është partia politike maqedonase në pushtet që promovojnë narrativa të “botës serbe” dhe e paraqesin procesin e integrimit evropian si kërcënim për identitetin kombëtar maqedonas. Pas kësaj retorike e fushate identitare qëndrojnë interesa dhe ndikime të kamufluara ruse dhe kineze, të cilat synojnë të krijojnë një vakum strategjik në Ballkan që të shfrytëzohet për interesa gjeopolitike të Lindjes.

Gjatë këtyre tri dekadave, një nga faktorët më të qëndrueshëm të stabilitetit në Maqedoninë e Veriut ka qenë uniteti i brendshëm i krijuar mes shqiptarëve dhe maqedonasve rreth çështjeve delikate si ajo fetare, historike dhe gjuhësore që lidhen me identitetin kombëtar maqedonas. Ky unitet i brishtë, por strategjik, ka qenë një shtyllë vendimtare që ka bërë të mundur që faktori ndërkombëtar të dalë në mbrojtje të identitetit maqedonas përballë pretendimeve dhe presioneve të vazhdueshme nga Serbia, Bullgaria dhe Greqia. Përkundër përpjekjeve të këtyre shteteve për të ndikuar në rrëzimin e këtij uniteti, bashkëpunimi ndëretnik dhe konsensusi politik brenda vetë Maqedonisë e ka pamundësuar realizimin e agjendave përçarëse. Megjithatë, paraqitjet e fundit të kryeministrit të ri maqedonas, të karakterizuara nga manipulimi dhe keqinterpretimi i raportit të fundit të Komisionit Evropian, dëshmojnë për një devijim të rrezikshëm nga ky kurs. Kjo qasje synon të krijojë një alibi për të minuar proceset eurointegruese dhe për të avancuar agjenda të koordinuara me aleatë të rinj që janë në kundërshtim të drejtpërdrejtë me projektin evropian dhe vlerat perëndimore. Ky ndryshim i qasjes nuk është vetëm një rrezik për perspektivën euroatlantike të Maqedonisë së Veriut, por edhe një kërcënim real për arkitekturën e bashkëjetesës ndëretnike dhe për rolin konstruktiv të shqiptarëve në shtetformim.

Shqiptarët në Maqedoninë e Veriut kanë bërë sakrifica të mëdha, duke lënë mënjanë kërkesat e tyre legjitime për të mos penguar integrimin euroatlantik të shtetit, me bindjen se ky drejtim do të siguronte një të ardhme të përbashkët dhe stabile për të gjithë qytetarët. Megjithatë, raporti i fundit i Asamblesë Parlamentare të Këshillit të Evropës, i cili paralajmëron qartë se Maqedonia e Veriut po rrëshqet drejt ndikimit të botës serbe, përbën një kthesë alarmante që nuk mund të neglizhohet. Deri më tani, ky orientim ka qenë objekt përfoljesh në koluaret politike e diplomatike, por tashmë, me një konstatim zyrtar dhe të miratuar institucionalisht, bëhet e qartë se ndikimi serb është shndërruar në një komponent real të kursit strategjik të shtetit. Kjo gjendje përbën një sfidë të drejtpërdrejtë për shqiptarët dhe përcaktimin e tyre të qartë në raport me Perëndimin, ndaj kërkon mobilizim të menjëhershëm politik, diplomatik dhe shoqëror, në mënyrë që të mbrohet jo vetëm vizioni euroatlantik, por edhe vetë pesha kushtetuese dhe politike e shqiptarëve në proceset vendimmarrëse të shtetit.

Ndryshimi i kursit politik të Maqedonisë së Veriut pas zgjedhjeve të fundit nuk përfaqëson një zhvillim të rastësishëm, por është pjesë e një projekti të mirëkalkuluar strategjik, që përkon me agjendat e qendrave të caktuara rajonale. Serbia, e pamundur të ndërhyjë ushtarakisht në Kosovë për shkak të pranisë ndërkombëtare të KFOR-it, ka orientuar përpjekjet e saj drejt destabilizimit të brendshëm në Maqedoni, përmes një qeverisjeje që injoron të drejtat kolektive të shqiptarëve dhe shtyn segmentet shqiptare drejt margjinalizimit politik dhe institucional. Kjo skemë krijon potencialisht alibinë për krizë, të cilën Beogradi mund ta përdorë për të rikthyer ambiciet e veta në Kosovë përmes një klime të krijuar krizash në rajon. Në këtë kontekst, qasja e qeverisë aktuale në Shkup, e cila harmonizohet me retorikat dhe prioritetet e “botës serbe”, përfaqëson një përshkallëzim serioz të politikave që minojnë jo vetëm të ardhmen euroatlantike të Maqedonisë, por edhe baraspeshën etnike e stabilitetin rajonal. Krahas kësaj, përshkallëzimi artificial i tensioneve me Bullgarinë ka bllokuar proceset e avancuara eurointegruese, ndërsa thellimi i bashkëpunimit infrastrukturor dhe ekonomik me rrjete të lidhura me interesat ruse e kineze, e zhvendos Maqedoninë në një orbitë të rrezikshme ndikimi lindor. Të gjitha këto vektorë së bashku e vendosin shtetin në një trajektore që e largon nga konsensusi euroatlantik dhe e fut në një vorbull destabilizimi me pasoja të paparashikueshme për gjithë rajonin.

Është momenti i fundit që Shqipëria dhe Kosova, të flasin me një gjuhë të përbashkët dhe të ndërmarrin veprime të koordinuara për të unifikuar zërin politik shqiptar në Maqedoninë e Veriut. Ky bashkërendim strategjik duhet të shërbejë për vendosjen e vijave të kuqe lidhur me domosdoshmërinë e deblokimit të procesit eurointegrues të Maqedonisë së Veriut dhe për përcaktimin e qartë të kursit të saj drejt strukturave euroatlantike. Një qasje e tillë është jetike për të neutralizuar ndikimin destabilizues të projektit të ‘botës serbe’, i cili, përmes formave të kamufluara politike dhe diskursive, po synon të minojë orientimin perëndimor të shtetit dhe të gjithë rajonit.

Nëse sot nuk përcaktohemi me qartësi dhe vendosmëri për këtë drejtim, rrezikojmë të futemi në një skemë të re ndarjeje: një pjesë e kombit do të ecë me Perëndimin, ndërsa pjesa tjetër do të mbetet nën influencën e Lindjes, në një realitet të polarizuar botëror. Kjo do të ishte një rikthim i trishtë në skenaret e shekullit XX, ku shqiptarët mbetën të ndarë pas Konferencës së Ambasadorëve në Londër dhe vendimeve të Versajës. Ndarja e kombit jo vetëm gjeografikisht por edhe gjeostrategjikisht, do të krijonte pasoja të parikuperueshme për të ardhmen e faktorit politik shqiptar në rajon.

Prandaj, momenti aktual kërkon një përqafim të menjëhershëm të një agjende të re kombëtare të integrimit, ku Kosova, Shqipëria dhe shqiptarët në Maqedoninë e Veriut të jenë bashkë në qëllime dhe në veprime, duke e parë integrimin euroatlantik jo thjesht si projekt shtetëror, por si projekt kombëtar i mbijetesës dhe progresit në konfigurimin e ri global.

Shkup, 14 korrik 2025

The post KUSH PO I SABOTON PROCESET EURO-ATLANTIKE TË MAQEDONISË SË VERIUT? appeared first on Gazeta Fakti.

Sipas dëshmisë së vajzës së viktimës, E.M. (20), autori i dyshuar, XH.M., e kishte kërcënuar më herët sepse ajo kishte refuzuar të martohej me të.

Mëngjesin e ngjarjes, sipas tetovasot, ai tentoi ta kontaktonte, por u injorua.

Pak orë më vonë, ai bllokoi rrugën dhe qëlloi me armë ndaj babait të saj, duke e lënë të vdekur.

”A.M. dhe E.M. ishin nisur me veturë drejt shtëpisë së tyre në Batincë, por në hyrje të fshatit, rruga ishte bllokuar nga një veturë tjetër, nga e cila kishte dalë XH.M., i cili ka shtënë me armë në drejtim të A.M. dhe e ka plagosur për vdekje”, thuhet në raport.

Muharremi nuk ishte në detyrë në momentin e vrasjes.

Autori është ende në arrati, ndërsa policia ka nisur hetime për të zbuluar nëse është ndihmuar nga persona të tjerë./ GazetaFAKTI.

The post Zbardhen detaje nga vrasja në Batincë, vajza e ushtarit kishte refuzuar martesën me dorasin appeared first on Gazeta Fakti.

Sipas të dhënave të Qendrës Kombëtare për Menaxhim Kufitar, pritjet më të gjata vijojnë te Dheu i Bardhë, deri në 40 minuta për të hyrë në Kosovë, derisa për të dalë deri në 10 minutë.

Deri në gjysmë ore pritje shënohet edhe në pikën kufitare të Bërnjakut.

Pikat tjera kufitare nuk kanë dhe aq fluks të madh të pritjeve, nga 5-10 minutë.

The post Mërgimtarët po presin 40 minuta për të hyrë në Kosovë nga Dheu i Bardhë appeared first on Gazeta Fakti.

“Çagatay Cable” prodhon tela dhe kabllo për industrinë e automobilave. Ata furnizojnë prodhuesit kryesorë të autobusëve, traktorëve, makinerive të ndërtimit, kamionëve, automjeteve komerciale, kondicionerëve, makinave të pastrimit dhe automjeteve speciale të aeroportit.

Kompania turke, e themeluar në vitin 1998, është e pranishme në Maqedoni për më shumë se shtatë vjet. Investimi i parë në Bunarxhik ishte katër milionë euro në fabrikën e parë, e cila shtrihet në një sipërfaqe prej shtatë mijë metrash katrorë. Që atëherë, këtu janë prodhuar kabllo dhe tela për sisteme automobilistike dhe elektronike, të cilat eksportohen jashtë vendit. Fabrika e re do të dyfishojë kapacitetin e prodhimit, që do të thotë mbështetje për furnizuesit vendas dhe ekonominë. Kështu, “Çagatay Cable” përfaqëson një shembull të investimeve të huaja të suksesshme në Maqedoni.

Të dhënat tregojnë se në vitin 2023/24, “Çağatay Cable” kreu rreth 1,062 dërgesa eksporti me një vlerë totale prej 12.59 milionë dollarësh, kryesisht në Holandë, Gjermani dhe Belgjikë./ GazetaFAKTI.

The post Fabrikë e re në Bunargjik: “Çagatay Cable” investon gjashtë milionë euro appeared first on Gazeta Fakti.

Një numër i madh kompanish ndërkombëtare dhe vendase zhvillojnë softuer në vend për tregun e eksportit dhe ofrojnë mbështetje për klientët për kompanitë shumëkombëshe të IT-së.

Axapta Masters është lideri absolut për sa i përket fitimit

Kompania e parë që spikati për sa i përket të ardhurave është Axapta Masters nga Shkupi, me një rritje të xhiros prej 31.8 përqind, gjë që e pozicionon atë si kompania më e renditur e IT-së me kapital vendas në vitin 2024, me 16.9 milionë euro të ardhura.
E dyta më e madhe për sa i përket xhiros është Interworks me seli në Manastir, e cila është e vetmja në dhjetëshen e parë për sa i përket të ardhurave që nuk është e vendosur në kryeqytet. Të gjitha të tjerat janë kompani nga Shkupi. Interworks grumbulloi të ardhura prej 13 milionë eurosh vitin e kaluar dhe mbetet e qëndrueshme, megjithëse rritja është modeste (3.8 përqind), shkruan poftali pari.com.mk.
Tre vendet e para përfshijnë Nextsense me seli në Shkup me të ardhura prej 8.9 milionë eurosh dhe rritje prej 1.9 përqind krahasuar me vitin 2023.

Nga ana tjetër, rritja më e madhe e të ardhurave u regjistrua nga Iborn.Net, me një rritje prej 54.1 përqind, e ndjekur nga Interworks Partners (48.8 përqind), si dhe Codhem (47.2 përqind). Këto të dhëna sugjerojnë se ekziston një valë e re firmash dinamike dhe inovative që po fitojnë me shpejtësi pjesë të tregut.
Dhe për sa i përket fitimeve, Axapta Masters është lideri absolut, me një fitim prej 4.1 milionë eurosh në vitin 2024, një rritje prej 51.2 përqind krahasuar me vitin e kaluar. Nëntë kompanitë e tjera maqedonase nga sektori i IT-së në listën e fitimeve kanë fitime nën 1.9 milionë euro.

Kur analizohet rentabiliteti, Interworks nuk është ndër kompanitë kryesore për sa i përket të ardhurave. Fitimi për vitin 2024 është 1.06 milionë euro – një rritje prej 35.8 përqind krahasuar me vitin e kaluar, por kjo e pozicionon kompaninë në gjysmën e dytë të listës për sa i përket fitimit absolut.
Sapiens regjistroi fitimin më të madh relativ, me një rritje prej 181 përqind, duke treguar një kalim nga startup në një fitimprurësi të qëndrueshme. Kjo kompani ka gjeneruar fitime prej 540.7 mijë eurosh.

Megjithatë, ka edhe rënie dramatike – NextSense ka një humbje fitimi prej 61.2 përqind. Gjithashtu, Vortex ED dhe Panteleon GS shënuan rënie të ndjeshme, përkatësisht prej 23.1 përqind dhe 12.1 përqind, por prapë u renditën në vendin e dytë dhe të tretë në listë.

Dhjetë kompani punësojnë mbi 1,300 persona

Këto dhjetë kompani punësojnë mbi 1,300 persona. Në vendin e parë është bindshëm Axapta Masters, me 299 punonjës, duke e bërë atë jo vetëm kompaninë më fitimprurëse, por edhe kompaninë më të madhe të IT-së për nga burimet njerëzore. Pas saj është Interworks Bitola, me 210 punonjës, megjithëse ky numër është më i ulët se në vitin 2023, kur kishte 235 punonjës.

Një rast interesant në industrinë e IT-së është kompania Superior Global Services nga Shtipi. Edhe pse nuk shfaqet në listën e kompanive kryesore sipas të ardhurave ose fitimeve, ajo renditet në një të tretën e lartë sipas numrit të punonjësve, me një total prej 130 personash të punësuar në vitin 2024.
E fundit në listë është Kodhem me seli në Shkup me 89 punonjës, por ka rritjen më të lartë krahasuar me vitin 2023 (25 përqind).

Analiza tregon se kompanitë maqedonase të IT-së jo vetëm që po përshtaten me trendet globale, por edhe po krijojnë vlerë të shtuar në tregun vendas. Edhe pse disa po përballen me një rënie të të ardhurave ose fitimeve, tendenca mbizotëruese është pozitive. Lojtarët e rinj po tregojnë rritje agresive, ndërsa kompanitë më të mëdha po arrijnë të ruajnë pozicionet e tyre udhëheqëse./ GazetaFAKTI.

The post Sektori i IT-së më i paguari në Maqedoni, dhjetë kompani me të ardhura totale mbi 68 milionë euro appeared first on Gazeta Fakti.

Dokumenti shpreh shqetësim në lidhje me të ashtuquajturin Projekt Bota Serbe, si dhe faktin se disa përfaqësues të Qeverisë së Maqedonisë së Veriut e kanë mbrojtur dhe promovuar këtë koncept, dhe dënon pjesëmarrjen në takime që kërkojnë të krijojnë një sferë ndikimi duke minuar sovranitetin e vendeve të tjera dhe stabilitetin e rajonit.

Kujtojmë se një analizë në vitin 2023 tregoi se aktorët e lidhur me qeverinë ruse po përdornin ndërmjetës mediatikë serbe për të përhapur narrativa armiqësore ndaj NATO-s, dhe pretendon se BE po ushtron presion mbi Shkupin që të “heqë dorë nga identiteti i tij”.

Argumentohet se Maqedonia e Veriut mbetet një objektiv i ndikimit të huaj keqdashës, duke përfshirë përpjekjet për të shkatërruar strukturën shoqërore të vendit dhe për të përdorur ndjenjat anti-BE si armë, veçanërisht përmes tabloideve dhe mediave në gjuhën serbe, të cilat veprojnë si promovues rajonalë të narrativës së Kremlinit dhe ushtrojnë ndikim të konsiderueshëm.

Kujtojmë se midis viteve 2018 dhe 2023, Maqedonia e Veriut dëboi 13 diplomatë rusë për aktivitete të papajtueshme me statusin e tyre diplomatik, duke treguar praninë e vazhdueshme të rrjeteve klandestine të ndikimit.

Ai gjithashtu thotë se Kina po kërkon të zgjerojë ndikimin e saj në Maqedoninë e Veriut përmes mbikëqyrjes së informacionit, diplomacisë së investimeve dhe “klauzolave shtrënguese” në marrëveshjet e kredisë për infrastrukturën.

Ai gjithashtu vëren se disa subjekte diplomatike kineze kanë financuar përmbajtje të paguar dhe tekste të shkruara në median maqedonase pa atribuim të qartë.

Në raport, eurodeputetët shprehën shqetësim serioz se Maqedonia e Veriut dhe vendet e tjera të Ballkanit Perëndimor në rrugën drejt BE-së janë veçanërisht të goditura rëndë nga ndërhyrjet e huaja dhe fushatat e dezinformimit, duke përfshirë kërcënimet hibride, korrupsionin strategjik, flukset financiare të errëta dhe praktikat shtrënguese të investimeve, veçanërisht nga Rusia dhe Kina.

Ata shprehën gjithashtu shqetësim për rolin e qeverive hungareze dhe serbe në ndjekjen e objektivave gjeopolitike ruse dhe kineze.

Në këtë kontekst, ajo thekson rrezikun e varësisë nga Kina të shkaktuar nga marrëveshjet asimetrike të kredisë, siç është kredia e fundit nga Eximbank hungareze, e cila duket se e ka origjinën nga Kina.

Së fundmi, ajo bën thirrje për hapjen e arkivave të shërbimeve sekrete jugosllave, UDBA dhe KOS, të cilat mbahen si në Serbi ashtu edhe në Maqedoninë e Veriut, dhe thekson nevojën për të hapur këto arkiva në të gjithë rajonin në mënyrë që të trajtohet e kaluara totalitare në një mënyrë transparente, me qëllim forcimin e demokracisë, llogaridhënies dhe institucioneve në Ballkanin Perëndimor./Beta/

The post Ndikimi i projekti “Bota Serbe” në Maqedoni, shqetëson Parlamentin Europian appeared first on Gazeta Fakti.

Seanca e radhës do të mbahet të martën, më 15 korrik, në orën 11:00.

Pas dështimit të seancës së 46-të të konstituimit të Kuvendit, edhe kësaj radhe partitë e tjera, PDK, LDK e AAK-ja kanë shfrytëzuar foltoren e Kuvendit për t’i dhënë qëndrimet e tyre lidhur me krizën politike në vend, njoftin Kosovapress.

Deputeti i PDK-së, Fadil Demaku tha se që nga pavarësia e Kosovës, Kosova asnjëherë nuk është përballur me një papërgjegjësi kaq të madhe institucionale, e krejt kjo sipas tij, si pasojë e egos së pa kontrolluar për pushtet nga kryeministri në detyrë, Albin Kurti.

Ndërsa, deputeti i LDK-së, Armend Zemaj shtoi se fakti që fjalimet e deputetëve po mbahen pa mikrofon, regji e rekordim zyrtarë nga Kuvendi, tregon se institucioni që duhet të jetë tempull i demokracisë, është sot pasqyrë e një krize të thellë politike që po dëmton funksionimin demokratik të shtetit.

Zemaj tha se kjo është një sabotim i qëllimshëm i shtetit nga LVV-ja.

E deputetja e AAK-së, Time Kadrijaj tha se më 26 korrik bëhen një muaj nga vendimi i Gjykatës Kushtetuese për konstituim të Kuvendit, ndërsa LVV-ja sipas saj, nuk ka angazhim as ditorë, javorë e mujorë për të konstatuar Kuvendin e Kosovës.

Kadrjaj theksoi se kjo po bëhet qëllimshëm për bojkot të konstituimit të Kuvendit të Kosovës nga ana e Lëvizjes Vetëvendosje.

The post Dështon sërish konstituimi i Kuvendit të Kosovës, opozita akuzon Kurtin appeared first on Gazeta Fakti.

Në një postim në rrjetet sociale, Presidenti Begaj vlerëson kontributin e shqiptarëve në Maqedoninë e Veriut si faktor vendimtar në proceset shtetformuese dhe në mbështetjen e kursit euroatlantik të vendit.

“Me Ali Ahmetin është gjithmonë kënaqësi të takohesh dhe të ndash mendime. Shqiptarët në Maqedoninë e Veriut janë faktor vendimtar shtetformues dhe mbështetës të palëkundur të rrugës euroatlantike të vendit, duke dëshmuar gjithmonë përkushtim ndaj paqes, stabilitetit, bashkëjetesës dhe vlerave demokratike,” shprehet Presidenti Begaj.

The post Begaj takon Ali Ahmetin: Shqiptarët në Maqedoninë e Veriut, faktor shtetformues appeared first on Gazeta Fakti.

Aktori Liam Neeson e “bëri të njohur” Shqipërinë duke ndjekur Markon nga Tropoxha (Tropoja).
Filmi Taken, ku Neesonluan rolin kryesor, dhe seriale si “Blackist” apo “Bones” kanë përfshirë sekuenca ku shqiptarët përshkruheh si rrëmbyes, trafikantë apo terroristë.
Për dekada, Shqipëria ka luftuar me imazhin e një vendi të rrezikshëm, të lidhur me krimin, trazirat dhe paqëndrueshmërinë.

Edhe vetë qeveria shqiptare përdori në një reklamë sloganin “takenbyalbania”, duke “ftuar” aktorin Neeson të vizitonte një Shqipëri ndryshe nga sa përshkruhej në film. U desh që vendi i shqiponjave të “zbulohej” nga turistët që ky imazh të ndryshonte tërësisht. Ishin vetë të huajt, që gjetën një Shqipëri tjetër, që po zhvillohej me shpejtësi, me diversitet natyror e kulturor, çmime të lira, traditë, njerëz miqësorë.

Dalëngadalë Shqipërisë po i largohet stigma e të qenët një vend i rrezikshëm, nga krimi i organizuar dhe turistët janë në fakt ata që po i ndryshojnë imazhin vendit, duke e bërë atë viral për mirë në rrjete sociale.

Vendi madje renditet si një ndër pesë më të mirët për të udhëtuar vetëm nga platformat e specializuara për udhëtime. Megjithatë, zhvillimet e fundit tregojnë se ky imazh është ende i brishtë – dhe mund të dëmtohet lehtësisht.

Pamjet e fundit nga Thethi – një ndër perlat natyrore të Shqipërisë dhe një destinacion gjithnjë e më i promovuar – treguan një skenë krejt tjetër: përplasje fizike mes policisë dhe banorëve, nxjerrjen e armëve në mes të sezonit turistik, një shfaqje force që ngjalli frikë dhe pasiguri te turistët e huaj dhe vendas.

Kjo nuk ishte më një skenë filmi, por një realitet shqetësues që mund të kthejë mbrapa vite përpjekjesh për përmirësimin e imazhit të vendit. Sigurisht, shteti ka të drejtë të luftojë ndërtimet pa leje dhe paligjshmërinë, jo vetëm në Theth por në çdo cep të vendit, por ndërhyrja në Theth nxorri në pah dy problematika kryesore:

1.Mungesa e përgjegjësisë institucionale aksioni nxori zbuluar vetë institucionet shtetërore, që me dashje (para zgjedhjeve) apo pa dashje (nga paaftësia) kishin lejuar që të bëheshin kudo ndërtime pa leje.

Ndërtimet pa leje janë toleruar për vite, shpesh në periudha zgjedhore apo për shkak të mungesës së planeve rregulluese.

2.Metoda e ndërhyrjes dëmton imazhin – aksionet me fadroma në kulmin e sezonit krijojnë pasiguri dhe dëmtojnë edhe ata që operojnë ligjërisht. Shqipëria nuk po kalon një sezon të lehtë turistik as pa këto episode. Probleme si furnizimi me ujë, ndotja e detit nga ujërat e zeza, menaxhimi i mbetjeve, djegia e plehrave, infrastruktura rrugore, apo trafiku i rënduar kanë krijuar një mjedis stresues për operatorët turistikë dhe pushuesit.

Dhoma Amerikane e Tregtisë, në një deklaratë të drejtpërdrejtë, paralajmëroi për ndikimin negativ që këto probleme po sjellin në cilësinë e jetesës dhe në funksionimin e strukturave akomoduese.

Bumi i sektorit turiztik i erdhi Shqipërisë në një moment kritik, duke amortizuar pasojat e rënies së popullsisë në konsum dhe duke nxitur një sërë sektorësh ekonomikë. Interesi i lartë e kapi qeverinë disi të papërgatitur, pa një model të qartë të politikave të zhvillimit dhe kjo është e dukshme në mënyrën se si po menaxhohet sektori. Në disa zona, zhvillimi iu la rastësisë, si në veri, ku banorët ndërtuan pasi nuk po zgjidhnin as problemin e pronësisë dhe as po merrnin dot leje në mungesë të planeve të zhvillimit.

Në disa zona, si në jug, kodrat po betonohen me leje strategjike. Në disa të tjera, zonave natyrore po u hiqet mbrojtja. Turizmi nuk zhvillohet me aksione policore apo me “fushata” sezonale. Ai kërkon strategji afatgjata, planifikim të integruar, bashkëpunim institucional dhe respekt për komunitetin lokal. Aty ku mungon shteti, lind kaosi. Dhe aty ku kaosi bëhet normë, turisti largohet.

Nëse Shqipëria do të vazhdojë të ecë përpara si një destinacion i qëndrueshëm dhe konkurrues, duhet të kuptojë se zhvillimi turistik nuk është çështje force, por çështje vizioni.

Pa një plan kombëtar për zhvillimin e zonave turistike, pa rregullime ligjore të pronësisë, pa standard ndërtimi, pa infrastrukturë dhe shërbime publike funksionale, vendi rrezikon që ky “aventurizëm turistik “ të përfundoj në një histori të palumtur – jo vetëm për turistët, por për gjithë ekonominë.

Turizmi, njësoj si ekonomia në tërësi, nuk ndërtohet me aksione, por me institucione funskionale, me politika të qëndrueshme dhe plane të qarta zhvillimi. Për pasojë, imazhi i ri i Shqipërisë do të jetë i rrezikshëm sa n ë filma – vetëm se këtë here, i vërtetë. / Monitor.al

The post “AVENTURA ME TURIZMIN”, KUR SHTETI ZGJEDH FORCËN, JO VIZIONIN appeared first on Gazeta Fakti.

A thua z.Begaj ia ka hedhë një sy prigramit?!

Mirëpo pritjet dolën të kota, sepse sipas programit të mëposhtëm, VERA E OHRIT sivjet as nuk do të deklamojë, as nuk do të këndojë në gjuhën shqipe.

Për një konceptim të tillë programor, kompetent janë drejtuesit e këtij festivali, por, përtej kësaj, është e pakuptimt që në një manifestim të tillë që financohet nga shteti, të bëhet një analshkalim kaq flagrant i kulturës shqiptare. Dalngadalë, por sigurt, po ndodhë një rrudhje, një reduktim i gjithë asaj që quhet pjesëmarrje proporcionale ose hise e kulturës shqiptare në Maqedoni…..

VERA E OHRIT sivjet është dëshmia më e mirë e kësaj rrudhjeje…..

Arsyet pse ka ndodhur kjo, nuk do t’i dijnë vetëm ata që nuk janë të mësuar me dreqnillëqet e politikës….Por, të gjithë dreqëririt e politikës, si zakonisht, do ta japin versionin e tyre të arsyetimeve….

Ja programi:

12/07/2025 (21:00) Ceremonia e hapjes së Festivalit të Verës së Ohrit 2025

Programi muzikor “Transformimi i Shqisave”

Teatri antik

13/07/2025 ( 21:00) – Shfaqje teatrale – Monodrama “Të gjitha gjërat më të bukura” nga Duncan McMillan Programi i Dramës

14/07/2025 ( 21:00 ) –Mbrëmja Çeke – Lukas Vondracek – program muzikor për piano

15/07/2025 ( 21:00 ) — Mbrëmja e BE-së; Kuarteti “Modigliani”, program Francemusic

16/07/2025 (21:00) -Mbrëmje Austriake – Kuinteti i Harqeve i Orkestrës Simfonike Tiroleane nga Programi Muzikor i Innsbruck-ut

17/07/2025 (21:00) – Shfaqje teatrale “12” bazuar në motivet e “12 Burrave të Zemëruar” nga Reginald Rose. Program dramatik.

18/07/2025 (21:00) – Mbrëmje lituaneze e muzikës dhe artit; Dyshja e pianos: Rokas Zubovas dhe Sonata Devejkite – Zuboviene; Ekspozita artistike: Riprodhime pikturash nga Mikalojus Konstantinas Programi muzikor Čiurlionis

19/07/2025 (21:00)- Ansambli “Rey”, Turqi, program muzikor

20/07/2025 (21:00) – Koncert “Libertango” i programit muzikor të Orkestrës së Institutit FAME’S

21/07/2025 ( 21:00) -Daniel Müller-Schott – violonçel, program muzikor i Gjermanisë

22/07/2025 ( 21:00 ) – Lukasz Dlugosz – flaut, Poloni Andrzej Jungiewicz – program muzikor piano

23/07/2025 ( 21:00) – Premierë e shfaqjes teatrale “Amadeus” nga Peter Schafer Programi i Dramës

24/07/2025 (21:00) – Mbrëmje Italiane – Programi Muzikor i Filarmonisë së Bolonjës

25/07/2025 (21:00) – Mbrëmje Greke – Danae Dorken – program muzikor për piano

26/07/2025 (21:00) – Mbrëmje Holandeze – Kuarteti i Harqeve i Orkestrës Mbretërore Concertgebouw Programi Muzikor

27/07/2025 (21:00) – Ansambli Consonance – Programi muzikor “Mozaik”

28/07/2025 ( 21:00) -Emir Imerov – violinë, Maqedoni; Vag Papian – piano, Programi Muzikor i Izraelit

29/07/2025 ( 21:00) – Koncert i Orkestrës së Dhomës së MMM-së “Sasha Nikolovski- Gjumar”, Programi Muzikor Maqedonas

30/07/2025 ( 21:00 ) Mbrëmje kroate; Programi muzikor i Solistëve të Zagrebit

31/07/2025 ( 21:00) – Koncert Damjan Pejcinovski – kitarë, Programi muzikor maqedonas

02/08/2025 (20:00)- Shfaqje teatrale për fëmijë “Koncert i Bandave 5+” Prodhim i OHO-së

The post “VERA E OHRIT” NUK FLET AS NUK KËNDON SHQIP! appeared first on Gazeta Fakti.